من ديوان ** كلام علي كراسي ** للشاعر إبراهيم غانــم
صورة من الواقع الحالي في بلدنا الحبيبة
صوره شاعرية وليست حياه شخصية
والله تعبت .....
والله تعبت خلاص وسابيها وماشي
والله تعبت إخلاص ومات إحساسي
بـــــــس ياتــــــرى كــــل الناس ح تفكـــــر زاي
ح تعيب في بلدنا وتقول لولدنا دي ماتسواشى
والله تعبت وتعبي ياناس من ساسى لراســي
..
كل ما بجي اليوم و يعدى
يقسى علينا وبقي شيء صعب
نصبـر بكـرة بكــل تحدي
تطلع شمــس سابقها الـــرعب
ننسى ونضحك تاني علـي روحنا
قـــال فاكـــرين بنــداوي جـروحنا
واحــــنا جـروحــنا بتـخــنق روحــنا
ولفـيــن روحــنا مـــش عارفيـن
بـــــس يادوب يادوب تايهيــن
يادوب خايفين يادوب عايشين
ومش عايشين.....!!!!
يا دوب فــي كـــلام علــي كراسـي
والله تعبت ......
والله تعبت خلاص وسايبها وماشي
والله تعبت إخلاص ومات إحساسي
بس ياترى كل بلاد الغربه دي ح تحضوني
ولا بـــلاد الغـربه فيـها الغـربه ح تغير مني
والله تعبت وتعبي ياناس كاس مر اساسي
..
كـل مانهدى شويه نقول دا سابونا في حالنا
نلقـــى صـراع بيهـدد فينا أسـود مـن الحرب
نصبــر حبـة علشان دول بـرضـه يبقـوا ولادنا
بس ولادنا بعونا خلاص في السوق للغرب
ننسى نقول عاشت اراضينا
نخـدع بعـض ونرفـع إيديـــنا
وإحــنا بإيدينا بنعمـــي عنينا
ولفيــن عنيــنا يا ناس شايفيــن
بـــــس يادوب يادوب حاسيــن
يادوب ساكتين يادوب سامعين
ومش سامعين ....!!!!
يا دوب دا كــــلام إنســان بيواســي
والله تعبت ...
والله تعبت خـلاص وسايبها وماشي
والله تعبت وكل دقايق عمري بأسي
مع تحياتي
شاعـــ دنيا العذاب ــــر
هناك 4 تعليقات:
" ننسى ونضحك تاني علـي روحنا"
فعلا بنعمل كده كل يوم
دى مبقتش بلدنا .... دى بلدهم وهما كتر خيرهم مستحملينا فيها
اهه بنعدى ايام يعنى
المهم هو مقلش رايح فين على الاقل علشان نعرف مكان جديد لما نتزنق نبقى نروحه ههههههه
على كده التاشيرة جاتله ......... يا بخته
التاشيره الى الواحد مستنيها فعلا هى تاشيره الى لايغفل ولا ينام عشان تبقى ذهاب بلا عودة
كده برضه
عاوزة تدينى تأشيرة الى لا يغفل ولا ينام
دى جزاتى
هههههههههههههههههههههههههههههههه
طيب ادى التاشيرة دى لمبارك او لابنه
هههههههههههههههههه
يوووووووووووو دايما ظلمنى انا الى عايزه اخد التاشيرة اكيد هناك كلنا هنبقى سواسيه ومافيش بنى ادم هيتحكم فينا ولا يظلمنا وبعدين انت تطول تعيش هناك فى الجنه بس قول يارب بعد عمر طويل ومديد باذن الله
ههههههههههههههههههه
هى اكيد لو تاشيره الى اى بلد تبقى زى الفل بس بشرط يكون فيها الشقق واسعه
والمواصلات كتير ومتاحه طول الوقت ومايكونش فيها ناس كتير ويكون اقرب جار ليك على بعد 100متر ولو افتكرت حاجه تانى هبقى اقولك هههههههههه
إرسال تعليق