عايزه دولاب

طول عمرى عندى الامنية الغالية دى يبقى ليا دولابى الخاص انا واختى تصدقوا عندنا مكتب ومكتبه كبيره فى الاوضه بتعاتنا بس معندناش دولاب  
ماما كانت زمان تقول الاوضه صغيره اما دلوقتلى الحجه الحالية اننا خلاص لسه هنفضل قعدين لها فى البيت
الست دى طيبه جدا  ما تعرفش اننا نوين نحتل الشقة ما احنا مش هنروح فى حته تانية اصلا قعدين قعدين  هنروح فين

جربت انا واختى نحط تصميم للدولاب الى بنتمناها  وقولنا بما اننا بنشتغل يبقى نحطها قدام الامر الواقع ونحاول نعمل دولاب على حسابنا بس خططنا فشلت  ماما تطلعت بتخطط فى الاتجاه المضاد وسبقتنا وجابت سفره
ولسؤ الحظ السفره ما كنش ليها مكان غير الاوضه بتعاتنا
فا لكم ان تتخيلوا احنا بنمش فى الاوضه دى ازاى  او بالاحرى بننساب فيها مهما تخيلتوا مشهتعرفوا حجم معناتى انا واختى

الى كنت مش فهماه ودلوقنى وصلنى ان دى رساله من امى موجهه بطريقه غير مباشره مضمونها  ان كنتوا فاكرين  انكوا هتقعدوا فدا بعدكوا هتخروجوا هتخروجوا  انتوا والمكتبه بتعاتكوا
صراحه الست عندها حق بيقى البيت بيت ابوها وعيالها يطردوها
يعينى عليكى يا مامى سيده الخطط الاولى فى البيت بلا منازع