الاستعباط فى الحب

اجمل مراحل الحب حبة الاستعباط الى بيكونوا فى اوله وكل طرف من الطرفين مش عايز يقول الاول انة بيحب التانى نوع من انواع الصراع بس لذيذ
وعشان المرحله دى جميله زى اى حاجه جميله فا بتخلص بسرعة ويصرحوا لبعض بمكنونات نفسهم ويا رتهم ما عملوا كده
 علشان  كد انا مع النصيحة الى بتقول اسال مستعبط قديم ولا تسال.............
المهم صرحوا بعض وعلى رائ فيروز حبوا بعضوآ
نبتدى   نقرب من  ارض الواقع او بما معناه صخره الواقع التى تتحطم عندها كل الامال
ويروح الفارس المغوار الى اهل اميره الاحلام

يعنى يابنى عندك اية تقدمه لبنتنا
واشى شبكه  واشى شقة وانترية واوضه نوم واوضه سفره وكل ما هو موجود فى البيوت المصرية  نبص نلاقى العاشق الولهان بقى غلبان
طبعا هيجيب منين يعنى ولو ربنا كرمه بأهل كويسين ومعاهم قرشين  يبتدى يتحوى على اهله ما هو راجل ولازم يلتزم بكلمه وطلما قالها بحبك تتجوزينى  لا بد ينفذ
 يعينى يابنى صعبان عليا والله
طبعا الكلام بيتدى بتغير
ويبتدوا يفكروا منين وبكام والاله الحاسبة تطلع وهى تحاول وتقوله اميره الاحلام  انا هساعدك يا روحى علشان نعرف نعيش يرد الفارس المغوار لاء
انا راجل ولازم انا الى اسرف على البيت طب ورينا الجدعنه يا خويا
فى المرحلة دى انا لو منه معملش جدع لية
الحب من وجه نظرى  اتنين بيتنزلوا مع بعض وبيقدموا والبنت وقعت بلسنها الى عايز قطعه وعزمت عزومه مركبية
اشبط فيها انت بقى وقلها والله مش عايز اتعبك يا روحى بس لو ما كنتيش تحلفى  ودى اسمها المشاركه
فحالة الجدعنه الى بتكون فى اول مراحل الحب والارتباط مطلوبه فى حاجات وحاجات تانية لاء
المهم عدت مرحله التجهيزات والتشطيبات  دى اطول فتره فى الحياه ودى عايزه طبعا مجلدات عشان نتكلم فيها ممكن نخليها مره تانية المهم نخش على المهم
نخش على القائمه  ودى عاده سخيفة هى بتضمن للبنت حقها اه بس فى حاله الخلع مش مضمونه المهم ان القائمه هى سبب فركشه جوازات كتيره بعد قصص الحب الولعانه  وهنا نقدر نكمل باقى اغنية فيروز تركوا بعضوآ
عرفتوا لية الاستعباط احلى مراحل الحب   بليز طولوا فى الاستعباط على قد ما تقدرو اصله بيبقى اول استعباط واخر استعباط فى الحياة