حسبى الله ونعم الوكيل هنفقع

نسيب بقى الشؤن الداخلية اى الكلام عن نفسى اصلها تزهق 

ونتكلم عن السياسة شوية 

اه هتكلم فى السياسة اشمعنى انا ماليش نفس ولا اية ما كل الى لية ولى مالوش بيتكلم

 ادونا فرصتنا بقى  ايهههههههههههه

 

مش بقى فى حرية الى هى بمفهما الجديد فى مصر انى احترم رائى فقط وامرمرط الاخرين وما  سمعش غير الى بيقوله عقلى ما انا بفهم كل حاجة هو فى حد بيفهم غيرى فى البلدى ولا اية حد لية شوق فى حاجة

  ايوه يعنى اما اقول 

ان البلد نظيفة زى الفل تبقى نظيفة اوعوا تسمعوا كلام الناس التانين او نصدقوا عيونكوا هو انتوا بتعرفوا تشوفوا ولما اقول ما فيش حرامية بتسرق اوعوا تعرضونى وتقولولى دة جارتك من يومين وهى مشيه فى الشارع اتسحلت فى الشارع عشان فضلت متشبسة بشنطها من اول الشارع لاخره

 ولما اقول ان شوارع فاضية تبقى فاضية تمام دة انا بروح الشغل وبرجع منة فى 3 دقايق عشان ما بعرفش اروح اصلا  ما تكدبوش على نفسكوا الدنيا بقت احلى وهتبقى احلى وربنا يخلى لينا الديمقراطية وحرية الراى والاشعات قصدى الراى الاخر ويجعلة عامر بجد