هذا هو الحب

 العنوان مثير بس والله من كتر الافلام والمسلسلات مش فكره دة كان اسم فيلم بطوله مين المهم كنت قاعدة من شوية أتفرج على مسلسل كورى اسمة يوم جميل هو جميل بس كنت عايزه اسائل الاخ  البطل والاخت البطلة لية كل دة انتوا لية مكبرين الموضوع  الموضوع مش مستاهل الحمد الله الدنيا بخير انتوا كنتوا فكرين انكوا اخوات وطلعتوا الحمد الله مش اخوات فضل وعدل  والحب بينكم مقطع الشرابات  طب واخرتها مالكوا ما تتجوزا هو الجواز فى المسلسلات بقى صعب هو كمان زى الحقيقة  دى حتى ميزه اتجوزا وانبسطوا ماتصعبهاش علينا كفاية الواقع المرير الى احنا فية خالونا نفرح و ننبسط فى الخيال حتى لحسن كدة لا هيبقى واقع ولا خيال حاجة هم هو الغم ورانا ورانا

انا والتكتك

اه اعصابى تعبت من المواصلات دايما زحمه امتى هتفضى بحلم فى يوم اصحى الاقى ما فيش ناس ريحين الشغل ولا عيال ريحين المدرسة ولا الجامعه حاجه غريبة


المترو ما بيفضاش الناس دائما ابدا متلاحمين فية كانهم مازالوا فى رحم امهاتهم وبخاصة عربية الستات ربنا المعين تيجى تركب الاتوبيس تلاقية مليان بشر على الاخرنفسى اعرف الناس دى كلها جت منين يارب سترك

تقول بينك وبين نفسك طب اروح اركب مكرباص واحترم نفسى .... نفسى اروح الشغل بهدمى مكوية تلاقى الناس بيتزحم علية كانهم بتخانقوا على حته لحمه او كأن فى حد هيديهم اعانة طب وبعدبن اروح الشغل ازاى بالتكتك انا برضوا بقالى مده حطه عينى على تكتك واحد من الجيران وبفكر اقلبة اهو اخد معاية نفر ولا اتنين اهى سبوبه واهو كله اكل عيش ويجعله عامر .....................

من مارينا الى جمصة يا قلبى لا تحزن

فين ايام جمصة والكلو كلوا بتاع زمان
 بس من يومها جمصة وهى مصيف الناس الشقيانة الى ما شفوش مصايف دايما بابا كان بيحجزلنا تبع الشركه بتعاتة  " جمصة " ونقعد طول السنة نمنى نفسنا بالمصيف الى ديما كان بيجى اخر اسبوع قبل الدراسة ما تبداء  فين ايام دقهلتكس والجيلاتى المضروب والعيال الى كانت بتبيع حاجات على شط البحر  كل حاجة ممكن تتخيالها يا سلام يا سلام كانت ايام  وكنا نتمنى بابا يرفع من شاننا شوية ويغلط ويودينا اسكندرية وكل سنة كانت تطلع قرعتنا فى جمصة بس اما كبرت فهمت ان  الحقيقة ما كانش فى قرعة دى احنا الى كان بيتقرع علينا كانت الظروف المادية ما تسمحش غير بجمصة المهم والى مزعلنى دلوقتى ان الاحوال بقيت عال بس  الابقى فى وقت لا لجمصة وحتى مارينابقى الجرى وارى الى يوديك الاماكن دى اهم من مروحها   الله يرحم ايامك يا جمصة

اخر حاجة

نفسى بجد اعرف معنى الكلمة دى يعنى اية( اخر حاجة) زمان لما كان حد يسالنا  ده اخر امتحان مثلا كنا نقول اخر حاجه اهى دى جمله مفيدة لكن  دلوقتى اخر حاجه دى  ممكن تتقال على اى حاجة زى مثلا ( البنت دى جامدة اخر حاجه  & الاكله دى جامده اخر حاجة  &الشقة دى حلوه اخر حاجه )وهلم جره على نفس المنوال ياله الله يرحم كلمه جامد طحن  ياله راحت عليها  بس انا الكلمه دى فعلا بتنرفزنى ومش لقليلها معنى
يعنى اية حد يقولى دى ناس غريبة فعلا اخر حاجة

اكون او لا اكون قالها شكسبير ولكننى اقولها لاسباب اخرى قد تكون مدونتى مختلفة تماما فانا لست سياسية او اديبة ولكننى اسعى لتفريغ ما بداخلى وليسمع من يسمع وليعلق من يعلق