بجد حاجة تخوف

ايه الى حصلنا كل يوم الواحد يقرأعن جريمه غريبة مش معتادة ايوه غريبة حادث سائق المقاولون العرب انا بجد صعبان عليا الراجل دة جدا  وناس كتير هتقول صعبان عليكى القاتل؟
اه لانه ضحية استفزاز الناس  الراجل كان كويس فى شغلة وكل الناس تشهدله بالاخلاق وانه عمره ما عمل مشكله مع حد مش دى حاجة تخلينا نفكر لية ممكن يكون عمل كدة
من كل الى اتنشر فى الاعلام المسموع او المقرؤء نقدر نوصل لنتيجة ان الناس ممكن تفتكر ان اى بنى ادم هادى و ساكت ده ضعيف وسكوته معناه انه جبان
بس بجد الجديد انهم مش ممكن يتصور هو قد ايه جوه بركان بيغلى وممكن ينفجر فى لحظ غياب الوعى زى الراجل دة
 اه ده ما يعفيهوش من انه قتل ناس تانية مالهاش ذنب
 ويبدو ان الحاله دى مش هتكون الوحيدة برضوا يوم الاثنين  مذيع نشره الاخبار الى قتل زوجتة عشان استفزته طلع المسدس وبوم فى دماغها  يعنى ريحه ريحه
انا ما صدقتش لما قريت الخبر فى الجرنال البنى ادم دة ببعرف يقتل يالهوى
معنى كده ان شكل السفاح  او القاتل  الجديد اتغير مابقاش زى زمان الراجل الى واخدلة مطوه فى وشه ولا ابو شلاضيم  لاء دة ممكن يكون حد منا جار قريب  صديق ممكن يكون احنا

 انا ابتديت اخاف من نفسى لحسن لاقتنى من يومين ببص للمدير بتاعى من تحت لفوق وخايف بجد لحسن اعملها انا كمان  وصيتكوا عيش وحلاوه بس تكون بالفسدق